Ipinapakita sa Talahanayan Blg. 2 ang impak ng mga aplikasyon sa smartphone na hinati sa apat na magkakahiwalay na uri o epekto nito sa mga respondante. Dito, makikita na sa karaniwan sa mga epekto sa mga paboritong gawain o hilig ng mga respondante ay ang pagkawala ng oras para asikasuhin ang ibang hilig at ang ginagamit ng mga apps ay malinaw na indikasyon ng kanilang hilig sa buhay. Sa epekto sa pag-uugali, maraming nagsabi na maraming bagay na nagiging impluwensiya sa kanilang buhay ang kanilang napupulot sa paggamit ng mga aplikasyon sa mga smartphone. Sa pakikihalubilo sa iba, halos lahat ng mga respondante ang nagsasabing dahil sa paggamit nila ng mga smartphone apps, marami silang natututunan na nagdudulot ng pagdami ng kanilang mga kaibigan. Sa pananamit naman, maraming natututunan na mga istilo at mga inspirasyon sa fashion ang nakukuha ng mga respondante sa simpleng paggamit ng smartphone.

​

               Sa resulta ng pananaliksik ay nag-aayon sa pagaaral ni Anna Detorres (n.d.), napag-alaman na kung saan napapadali ang mga gawain sa iba’t-ibang asignatura, napapadali rin ang kanilang pakikipag-uganayan sa ibang tao. Ngunit sa kabaling dako, nagiging bulag ang mga estudyante sa maaaring dulot nito o epekto nito sa kanilang pag-aaral at pag-uugali. Kabilang dito ang kinahihiligan mga larong online, pakikisalamuha sa kapwa at madalas na pagbisita ng kanilang account sa social media. Dahil dito mayroong impak ito sa kanilang personalidad bilang isang katauhan. Isa ring pag aaral na ayon kay Jess Bolluyt (January 2017), ang paggamit ng mga aplikasyon sa smartphone ay nababago ang paraan kung paano tayo hinahatulan ng iba kasali na ang personalidad natin. Pinaliwanag naman ni Shana Lebowitz na “may ilang pananaliksik na posible na magkaroon ng hinuha ng personalidad ng isang tao base sa kanyang relasyon sa paggamit ng mga aplikasyon sa smartphone”.